قصيدة للاستاذ / عبدالمحسن بن فيصل التميمي 4
بسم الله الرحمن الرحيم البارحة ماذقت لذة لنومي *** نومي تقاطيع وقلبي به هموم ضاقت بي الدنيا وهدت عزومي *** وحيد لاوالي مريض ومحروم اطلب من المولى يشافي سقومي *** ويعود لي من عقب ماني بمحروم رب وهب عيسى لمريم رحومي *** واعاد موسى عقب ماهو بمحروم وهب لي الوافي وفرج همومي *** وخو عزيز ومخلص دايم الدوم رشيد ابو خالد وفى باللزومي *** وعياله الوافين شجعان وقروم وابو فهد ياعل عمره يدومي *** جمايله ماانساه من اول الى اليوم عياله عيالي شايلين همومي *** دايم معي ولاتخلو عني يوم وابو حسن جار عزيز محشومي *** عصب فرض قدره علي دايم الدوم ماهو غثيث ولا ردي العزومي *** جزل الى مني نصيته بملزوم ولا هو من اللي ينقلون العلومي *** سماتته ماحطته موضع اللوم يفهم قوانين العرب والسلومي *** ويقوم بالواجب الى جاه ملزوم يالله يامنشي ثقيل الغيومي *** تجعل لهم رزق ميسر على الدوم وختامها صلو صلاة تدومي *** اعداد مخلوق وهب لذة النوم وعداد حبات الرمل والنجومي *** على شفيع الخلق يوم بعد يوم الاستاذ / عبدالمحسن بن فيصل الناصر المفيد التميمي راعي بلدة جفيفاء |
السلام عليكم ورحمة الله وبركاته
ابيات جميلة تستحق التقييم |
Loading...
|
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.